St. Joas - De Bôkkeriejers höbbe ein nuuj prinsepaar, te weite Prins Erwin ( op de Kamp ) en Prinses Wendy ( op de Kamp - Smeets ). Zaoterdig 28 December koom  in ein sjoan act, gebrach door de Awt Prinse Club van de Bôkkierjers in gemeinsjapshoes ’t Patronaat te St joas ‘t nuuj Prinsenpaar nao väör. Toet heur Adjudante waerde benumd Roel Aelen en Marcel Aben. Prins Erwin is 44 jaor en wérkzaam es medewérker brandjsjaai herstél biej fa Polygon. Zien Hobbies zeen Biljarte en Darte biej Kefee ’t Heukske , Auch is hae vriejwilliger biej ‘t ôngerhoud van de sjpeeltuin in St joas. Prinses Wendy is 39 jaor en werkzaam es apothekersassistente. Ze sjpeelt dwarsfluit en is penningmeister van de sjutteriej st Antonius oppe  Slek Prins Erwin en Prinses Wendy höbbe 2 kinjer Indy (13 ) en Noa ( 10 ) jaor. ‘T nuuj Prinsepaar héltj zôndag 26 jannewari 2020 vanaaf 17.11 uur resepsie in gemeinsjapshoes‘t Patronaat. Ze gaon dit jaor de vastelaovend in St joas aanveure ônger heure sjpreuk: “Awt Jônk Groat of Klein,                          Vastelaovendj is väör eederein”
truuk