Titel: Es Sint Joaster gebaore
Oetveuring: De Mooshaofzengers
Teks:  Koen Beunen & Niek Laumen
Meziek: Jurjen Daemen

Couplet 1:
Van de Homberg toet de Brachterziej
Is zelfs ’t kleinste aepke d’r weer biej
Auch de kleintjes van de Hingenderstraot
Loupe mit diej daag flink oet de maot
En waat uch ’t meist zal verwonjere
Oos buujelkes loupe polonaise op ’t Vonjere
Kroekestöpkes trikke d’r op oet
Det begintj al hiej es kleine sjproet…

Refrein:
Bösse es Sint Joaster gebaore
Den veulse al hieël vreug de lol
Doe bös den veur altied verlaore
Vasteloavendj zit dich in de bol
Den bösse door nemes te sjtoppe
Doe höbs dich neet mieër in de handj
Van dien tenen tot vingertoppe
Maakse sjpas in ’t Sint Joasterlandj

Couplet 2:
Biej de Vulensebaek en ’t Hinge
Heurse os veulgekes al zinge
Oos jeug die vogeltj zich get aaf
Maerel-, spreeuw- en kievitstraot alaaf
En auch op de boswaeg loupe ze weer veurop
Oos poete komme neet mieër stop
Kroekestöpkes trikke d’r op oet
Det begintj al hiej es kleine sjproet…

Refrein

Den bösse door nemes te sjtoppe
Doe höbs dich neet mieër in de handj
Van dien tenen tot vingertoppe
Maakse sjpas in ’t Sint Joasterlandj

Maakse sjpas in ’t Sint Joasterlandj!